Aktuelt og kunngjeringar

Bømlo kommune har gjort den årlige prøvetakinga av offentlege badeplassar, og resultata er gode i år også. 

Det mistenkes at morild-algen er komen til Bømlo. Denne er ufarleg og kan trygt bades i. 

I siste møte før ferien behandla kommunestyret revidert budsjett. I sak 35/24 Budsjettrevisjon 1. halvår 2024 vart følgjande vedteke i punkt 2.: (…) Kommunedirektøren får mandat til å setje i gong ein prosess tidleg hausten 2024 for å greie ut aktuelle endringar i skulestruktur. Kommunedirektøren varslar med dette oppstart av arbeidet med ny skulebruksplan og revisjon av lokal forskrift om skulekrinsgrenser.

Langevåg var kledd til fest då moloen og fiskerihamna i Hovlandshagen vart offisielt opna fredag. Ruth-Berny Skjetne Lønning losa arrangementet trygt i hamn både ved Stora Bleikjå og samlinga i Langevåg Bygdatun etterpå.

Det er for tida redusert kapasitet på avdeling for byggesak/deling. Kundar må rekna med at det tek ekstra tid å få svar på spørsmål og søknadar.

Over 1200 underskrifter innlevert på førehand og fullt på publikumsradane i kommunestyresalen vitna om det store engasjementet kring sjukeheimstilbod og føreslegne omstillingar ved Bømlo omsorgstun. Fleirtalet i kommunestyret vedtok med 15 mot 12 røyster at sjukeheimsdrifta på Bømlo omsorgstun (BOT) blir lagt ned frå 1. januar 2025.

Brua over Kulleseidkanalen vert stengt ved lysregulering under vedlikehaldsarbeidet som har planlagt oppstart 1. juli i sommar.

Kommunestyret vedtok  samrøystes 17.6.2024 å gjeninnføra ferietilskot til personar med nedsett funksjonsevne med ei ramme på 60.000 kroner under budsjettrevisjonen for 1. halvår 2024.

Føreslegne innsparingstiltak og framtidig tenestetilbod vert sentrale saker i det siste kommunestyremøtet før sommaren måndag 17. juni. Det er også mange saker  utanom slik at møtestart er flytta til klokka 14.00. Møtet vert også sendt direkte på kommune-tv.

Utval for areal og samferdsel vedtok med 6 mot 3 røyster å leggja revidert hovudplan for vatn og avløp 2021-2050 datert februar 2024 ut til offentleg gjennomsyn med heimel i Plan- og bygningslova §11-14.