Vedtaket betyr at Bømlo kommune reduserer tal sjukeheimsplassar frå 99 til 91 gjeldande frå 01.01.25. Sjukeheimsdrifta på Bømlo Omsorgstun (BOT) blir lagt ned, 8 plassar blir redusert og 4 plassar blir
flytta til Bømlo bu og helsesenter (BBH). Arbeid med omstilling skal starta innan 01.09.24.
Dei andre punkta i framlegget som fekk fleirtal lyder:
2. Heimetenestene på Søra Bømlo blir samorganiserte med Bømlo heimeteneste frå 01.01.25. Arbeid med omstilling skal starta innan 01.09.24. Det er viktig å sikra effektiv drift av heimetenestene med geografisk nærleik til brukarane og minst mogleg køyring. Heimetenestene må driftast fleksibelt og med bruk av basar på Bømlo omsorgstun, Moster Servicesenter og Bømlo bu- og helsesenter.
3. 2 mill. kr. av midlane som blir fristilt skal brukast til å styrkja heimetenestene, byggja opp desentraliserte aktivitetstilbod, fleksible avlastingsordningar – førebyggjande tiltak. Dagtilbodet ved Bømlo omsorgstun skal styrkjast.
4. Resterande midlar ( ca 6,2 mill.kr) skal brukast til innsparing/redusera meirforbruk som er forventa i tenestene.
5. Bømlo kommune skal arbeida for at alle sjukeheimsplassar blir meir demensvenlege.
6. Teiglandshagen skal vidareførast som kommunen sin sjukeheim med spesialkompetanse på demens og skal brukast som forsterka skjema eining ved behov.
7. Bømlo bu og helsesenter (BBH) avdeling for korttid (KOR) skal ha tilbod om korttidsplassar, rehabilitering og eit pallitativt tilbod.
8. Bømlo kommune skal arbeida for å vidareutvikla tilbod om Omsorgpluss, både ved eksisterande tilbod ved Bømlo omsorgstun og Bømlo bu- og helsesenter, og sjå moglegheitar rundt Teiglandshagen/Moster servicesenter. ( ref. til pkt 38-41 i handlingsplan for HSO 2023-2024).
Omlag 3800 personar logga seg inn på kommune-tv i løpet av direktesendinga måndag 17. juni.
Sjå opptak av møtet i kommune-tv
Vedtok innsparingstiltak
Fleirtalet i kommunestyret vedtok kommunedirektøren sine føreslegne tiltak til innsparingar under budsjettrevisjonen for 1. halvår 2024. Desse vil redusere prognosen for årsresultatet 2024 frå 27,7 mill kr til 19,6 mill. kr i minus. Dermed vil underskotet som må dekkast inn innan 2025 vere på 31,8 mill. kr. Til orientering vil eit samla meirforbruk som overstig 36-37 millionar kroner ved årsslutt 2024 bety at kommunen vert meld inn i ROBEK (under statleg kontroll) allereie i 2025. Kommunedirektøren får mandat til å setje i gong ein prosess tidleg hausten 2024 for å greie ut aktuelle endringar i skulestruktur.
Kommunedirektøren sin presentasjon Formannskap 6. juni/Kommunestyret 17. juni: Grovskisse budsjett og økonomiplan 2025-2028 (PDF, 3 MB)
Følgande budsjettendringar vert gjort i driftsbudsjettet:
Endringar i driftsbudsjettet 20242. Kommunestyret godkjenner budsjettreduksjonane i oppvekst, kultur og idrett med 3 040 000 kroner. 2 340 000 kroner av innsparte midlar kan behaldast i seksjonen for å dempe venta meirforbruk.
Kommunedirektøren får mandat til å setje i gong ein prosess tidleg hausten 2024 for å greie ut aktuelle endringar i skulestruktur.
3. Kommunestyret godkjenner tiltaka innan Helse, Sosial og Omsorg på 1 800 000 kroner. Innsparte midlar kan behaldast i seksjonen for å dempe venta meirforbruk.
4. Kommunestyret ber om at kommunedirektøren ser på ei løysing for kantinedrift på rådhuset som vert drive etter sjølvkostprinsippet.
5. Kommunestyret ber om at ferietilskotet for mennesker med nedsett funksjonsevne vert teke inn igjen med ei ramme på 60 000 kroner.
Sjå saksliste og møteprotokoll Kommunestyremøte 17.06.2024
Sjå også saka Kommunestyret tek opp innsparingar og tenestetilbod