Brann og redning med øving i området rundt Ramnabrotet
Bømlo brann og redning skal tysdag 8. og onsdag 9 september øva mannskapa sine i ulike situasjonar som kan oppstå i området rundt Ramnabrotet med det anleggarbeidet som pågår der.
Ramnabrotet er del av arbeidet med Fv. 541 Hestaneset-Sakseid-Ekornsæter i Bømlopakken.
Aurora W. Bjerkelund
- Øvingane vil pågå mellom klokka 17 til kl. 20 kvar kveld. Det vert utrykningskøyrety og øvinga kan og omhandla sjø, opplyser brannsjef Ove Hallaråker.
Trafikken vil ikkje bli påverka av øvinga, og vil kunne passera som normalt med lysregulering.
Det er allereie etablert beredskapsordningar for området ved eventuelle stengingar slik at liv og helse ikkje skal setjast i fare.