Vegvedlikehald og vinterberedskap

Bømlo kommune si driftsavdeling, Teknisk drift, har ansvaret for drift og vedlikehald av dei kommunale vegane. Vestland fylkeskommune har ansvar for vedlikehald av fylkesvegane.

No kjem vinteren og det vert både kaldt og glatt

Eldre personar er særskilt utsette for fall på glatt føre, og uhell kan skje like utanfor heimen. Strøsand til eldre og uføre er eit enkelt førebyggjande tiltak.

I Bømlo kommune finn ein strøsand på desse punkta:

I Hollundsdalen 59, teknisk driftsbygg frå kl. 07:00-15:00 (man-fred)
Ved Teiglandshagen i ein strøkasse på parkeringsplassen
Joker butikken på Finnås, på parkeringsplassen

Ein kan og hente strøsand i strøkassar langs etter kommunal veg.

Dei som hentar strøsand må ha med seg bøtte.

Tenk gjerne på familie, vener og naboer gjennom vinteren. Har du moglegheit til å strø sand eller brøyte inngangspartiet til nokon som ikkje klarar dette sjølve er dette ei gåve som enkelt kan gleda.

Teknisk drift har ikkje kapasitet til å køyre ut på bestilling.

Snøbrøyting og strøing

Me har kommunal beredskap for brøyting og strøing av kommunale vegar, parkeringsplassar og areal rundt kommunale bygg i månadane november til mars. Me tek ikkje på oss brøyting eller strøing av private vegar.

Kontakt kvardagar frå kl. 07.00-15.00: Mobil 941 07 581

Kontakt etter kl. 15.00 og i helger: Vakttelefon 913 30 814

Spørsmål om riks- og fylkesvegar rettast til Statens vegvesen - telefon 175

Kommunen er delt inn i 8 vegroder:

Bremnes - Katla - Hiskjo - Stokkabekkvegen
Foldrøyhamn - Innvær
Rubbestadneset - Rolfsnes
Langevåg - Holme
Ådnanes - Gilje - Alvsvåg
Åreid - Finnås - Grutle
Moster - Håvik - Siggjarvåg
Espevær

Den første vegroda (Bremnes), vert drifta med eigne mannskap i særskilt vaktordning, medan dei sju siste vert drifta etter kontrakt med sjølvstendige entreprenørar.

Kart over kommunale brøyteroder (PDF, 3 MB)

Prioriteringar og rutinar ved brøyting og strøing

Det er 4 tilsette som til ei kvar tid rullerer i vaktberedskap og der fleire kan bli kalla inn ved behov. Snø/nedbør eller glatte vegar kjem ofte overraskande, og det medfører at mange vender seg til kommunen. Teknisk drift i Bømlo kommune har følgjande rutinar og prioriteringar ved brøyting og strøing:

Kommunale hovudveger, skuleveger, institusjonsveger
Busslommer, sykkel- og gangstiar
Hovudveger til og i kommunale bustadfelt

I kommunen er det mange privat utbygde bustadfelt der eigar ikkje har søkt kommunen om overtaking av vegar til kommunalt vedlikehald. Dette vil seie at det pr dags dato er vegeigar som har ansvaret for vintervedlikehaldet på desse vegane.

Brøyting på kommunale/private vegar og i bustadfelt

Driftsavdelinga og innleidde kontraktørar i Bømlo kommune brøyter og strør kommunale vegar og plassar og rundt kommunale bygg. Det er avgrensa kapasitet for både brøyting og strøing i Bømlo kommune.

Kommunen tek ikkje på seg brøyting el. strøing for private eller i private bustadfelt. I den grad ein har utført dette tidlegare, er no denne tenesta avvikla.
Bømlo kommune brøyter og strør for BVA og BKE etter avtale/forespørsel og på rekning sidan dette er selskap Bømlo kommune er eigar av.
Det er ikkje kapasitet i frå Bømlo kommune si side til å brøyte opp/strø private tun og avkjørslar.
Bømlo kommune brøyter og strør uansett ikkje tilkomstvegar då dette må sytast for av veglaget/velforeininga/oppsitjarane.

Brøyting av snø mot privat eigedom

Ved snøfall prøver me å utføra brøytearbeidet på ein slik måte at det ikkje er til ulempe for tilstøytande grunneigarar. I nokre tilfelle kan det likevel vera at me har behov for å brøyta snø inn på privat grunn, til dømes ved rydding i kryss, eller at det ligg igjen brøytekant forbi private avkøyrsler. Dette er innafor tålegrensa etter nabolova, så lengje brøytinga ellers blir utført på ein forsvarleg og omsynsfull måte.

Vakttelefonar snøbrøyting og strøing:

I samband med vinterberedskapen har me Vakttelefon 913 30 814. Det er ingen e-post knytt til nummeret, og vakta deltek òg i fysisk arbeid som brøyting og strøing. Fleire av maskinane våre manglar handsfree, og det er ikkje ønskjeleg å snakke i telefon under slikt krevjande arbeid. Me oppmodar publikum til å sende SMS med meldingar om kva vegar dei meiner treng brøyting eller strøing, heller enn å ringe. På den måten kan vakthavande lese meldingane mellom slaga. Det gjer det òg enklare å hugse kva som er blitt meldt. Me tek oss av oppgåvene så snart me kan.

Vinterberedskap
Kontakt	Område/rode	Telefonnummer
Teknisk drift	Bremnes -Goddo/Brandasund-Hiskjo-Stokkabekkvegen-kommunale gangstier	913 30 814
Kontraktør	Innvær-Rubbestadneset-Rolfsnes	917 48 806
Kontraktør	Foldrøyhamn-Mækjebakken	404 01 968
Kontraktør	Langevåg-Holme	404 01 968
Kontraktør	Ådnanes–Gilje-Alvsvåg	993 89 776
Kontraktør	Åreid-Finnås-Grutle	993 89 776
Kontraktør	Moster-Håvik-Siggjarvåg	917 84 412
Kontraktør	Espevær	404 68 020
Leiar teknisk drift		953 64 698
Brannvakt Bømlo		958 48 007
Brann 110 - sentral Sør-Vest ring 110 eller		519 18 520

Asfaltering og lapping

Kvart år vert det asfaltert etter oppsett plan, så langt midlane rekk. Av praktiske grunnar kan planen bli justert undervegs i asfalteringssesongen. Lapping av slagholer i kommunale vegar vert utført fortløypande innan nokre dagar i frå me blir klar over behovet. Bømlo kommune er bunden av kontrakt med asfaltentreprenør, og tek ikkje på seg administrering av asfaltering for private.

Kanstslått og trefelling

Grøfterensk og drenering

Eit av hovudmåla i vegvedlikehald er å få vekk nedbør frå vegkroppen så fort som mogleg då vegen kan bli skada av å stå i vatn. Med jamne mellomrom er det difor naudsynt med grøfterensk. Det vil då bli "sår" i vegkanten som i starten ikkje er så fine å sjå på. Dette arbeidet er skilta etter godkjend AV-plan. Me har ansvar for stikkrenner og sandfangskummar i tilknyting til kommunal veg.

Skilting og vegmerking

Skilting skal utførast etter godkjend skiltplan. For kommunale vegar er kommunen vegmynde. Bømlo kommune kan gjera skilt-vedtak for fareskilt, forbudsskilt og fartsgrenser (lågare enn dei generelle), opplysningsskilt, vegvisningsskilt og skilt med trafikktryggleiks-informasjon.

For andre typar skilt er Regionvegskontoret, vegdirektoratet eller politiet vegmynde. I dei tilfella kommunen gjer skiltvedtak, så skal politiet og regionvegskontoret ha høve til å uttala seg. Vedtak for arbeidsvarsling skal gjerast av kommunen langs kommunal veg.

Avfallshandtering

Sist endra 06.11.2024 08:24

Vegvedlikehald og vinterberedskap

Snøbrøyting og strøing

Vakttelefonar snøbrøyting og strøing:

Kontakt

Innbyggjartorget finn du i Bømlo folkebibliotek

Avtal time med saksbehandlar

Adresse

Om kommunen