Parkeringsløyve for rørslehemma

Dersom du oppfyller alle grunnvilkåra for

Førar av motorvogn
1: Søkjar kan ikkje gå eller har store vanskar med å bevega seg over noko lengde.
2: Søkjar må ha særleg behov for parkeringslette.

Passasjer
1: Søkjar kan ikkje gå eller har store vanskar med å bevega seg over noko lengde.
2: Søkjar må ha særleg behov for parkeringslette.
3: Søkjar lyt ha behov for regelmessig tilsyn utanfor motorvogna.

gjeve i Forskrift for forflytningshemma §3 “Vilkår for parkeringstillatelse”, kan du få eit løyve som gjer deg rett til å parkera på parkeringsplassar som er reserverte for rørslehemma.  Evna til å gå eller å bevega deg over noko lengd skal dokumenterast med legeerklæring.

Du vert oppmoda om å lesa denne sida før utfylling av søknaden.

Forskrifta har som formål at det er dei rørslehemma som har et reelt behov for parkeringslette som får tildelt parkeringsløyve, og å sikra mest mogeleg lik og rettferdig behandling. For at parkeringsløyve skal gjevast, er det ikkje tilstrekkeleg å påvisa ein sjukdomstilstand som begrensar forflytningsevna. 

Søkjar lyt visa til kvar ein treng parkeringsslette. Parkeringsløyve er ikkje meint som ei økonomisk støtteordning. Problem med å bera og lukke køyretøyets dør heilt opp vert i lita grad vektlagt då ein kan søkja om hjelpemiddel i desse tilfella. 

Midlertidig og periodevis forflytningsevne lyt vurderast om forflytningshemminga føreligg store delar av tida og skal sjåast som ein tilnærma permanent tilstand. Dersom forflytningshemminga føreligg kun delar av året, eksempelvis kvar vinter, kan ein søkja om parkeringsløyve for kommande periode.

Det er i sjølve søknaden du må få fram opplysningar som tilseier at du har eit særleg behov for parkeringslette. Det vil seia at du må beskriva kvifor det ordinære parkeringstilbodet på stadar du ofte besøkjer ikkje kan nyttast. I søknadsskjemaet er det tatt med ulike forhold vi ønskjer svar på. Vi ber om at du fyller det ut nøye, slik at vi får et godt bilete av ditt behov, samt at vi ikkje bruker unødig lang tid på behandling av søknaden.

Parkeringsløyvet blir gjeve til bilførar eller passasjer som ikkje kan gå eller som har store vanskar med å gå å over ei viss lengd. 

Krav til søkjar

Krav til deg som søkjar er at du leverer inn søknad der du skal kunna dokumentera at du har eit særleg behov for å parkera nærare spesifikke stader som bustad, arbeidsplass, skule, lege, sjukehus eller i forbindelse med anna aktivitet. Du må og ha med legeerklæring som viser at du har store vanskar med å bevege deg over noko lengde.

Når du søkjer løyve som passasjer, gjelder eit tilleggsvilkår om at du må ha behov for regelmessig hjelp av førar utanfor køyretøyet.

Løyvet gir deg rett til å parkere på offentleg skilta og reservert parkeringsplass utan at du betaler avgift, og utan at du må følgje den lengste fastsette parkeringstida (dersom det ikkje er gitt melding om noko anna). Du får til vanleg løyve for to til fem år.

Parkeringsløyve er personleg, og det er forbode for andre å nytte det. For at kortet skal være gyldig når du har løyve som passasjer, må du sjølv være med i bilen ved parkering.

Søkjer du som passasjer?

Forflytningshemma som ikkje køyrer sjølv, skal som hovudregel køyrast til bestemmelsesstaden og fylgjast inn. Deretter skal bilførar flytta bilen til ordinær parkeringsplass. Det er ikkje naudsynt med parkeringsløyve for å gjera dette. Parkeringsløyve vert difor berre tildelt når den som vert transportert ikkje kan forlatast åleine (for eksempel på venteværelset) medan bilen vert flytta. Dette må framgå av legeerklæringa og søknaden.

Tenk godt gjennom

• Kor er det du har problem med å parkera og kor ofte er du her? (Stadnavn/gatenavn må oppgis)
• Kvifor er det vanskeleg å parkera her?
• Kva slags parkeringsplassar finns her?
• Kva er det som gjer at du ikkje kan bruka dei ordinære plassane her?
• Korleis vil eit parkeringsløyve konkret hjelpa deg på desse bestemte stadene?
• Er du ofte til behandling, opptrening eller hos lege, så høyr om du kan få dokumentasjon på dette.
   

Søk om parkeringsløyve for rørslehemma (PDF, 494 kB)
 

•    Passfoto/foto av deg sjølv i fargar (ikkje kopi av passbilde)
•    Kopi av førarkort dersom du søkjer som førar av bil (kopi av begge sider av førarkortet). Førarar over 80 år må sørgja for å leggja ved kopi av gyldig førarkort som er fornya av Statens Vegvesen etter framlegg av helseattest.

Legeerklæring

Legeerklæringa skal vera godt utfylt med opplysningar om din medisinske situasjon, diagnose samt kor mange meter du er i stand til å gå med og utan hjelpemiddel og om du brukar krykkjer, stokk, rullator eller rullestol. Erklæringa dannar det medisinske grunnlaget for vurderinga. 

Her finn du skjema for legeerklæring (PDF, 136 kB)

Kommunen har ansvar for rett behandling av personopplysningar som vert gjeve i forbindelse med søknad om parkeringsløyve.

Opplysningane som vert gitt skal berre nyttast til dette føremålet og arkiverast i h.h.t. arkivlova.

Dersom søknad vert innvilga vil nokon av opplysningane bli utlevert i Statens vegvesen, som er ansvarleg for eit sentralt register over parkeringsløyve for rørslehemma (HC-registeret).

Søknad med vedlegg skal sendast til: 

Bømlo kommune
Leirdalen 1
5430 Bremnes

Treng du ytterlegare hjelp - kontakt Bømlo kommune - tlf.nr 53 42 30 00

Forskrift om parkering for forflytningshemmede

Hjemmel: Fastsatt av Samferdselsdepartementet 18. mars 2016 med hjemmel i lov 18. juni 1965 nr. 4 om vegtrafikk (vegtrafikkloven)§ 8 første ledd bokstav f og I og annet ledd, jf. delegeringsvedtak 17. mars 1967 nr. 3462.
Endringer: Endret ved forskrift 13 des 2016 nr. 1557.

Retningslinjer-til-forskrift-om-parkeringstillatelse-for-forflytningshemmede_01.07.pdf Statens vegvesen, sist endra 1. juli 2024.

Forskrift om vilkårsparkering for allmennheten og håndheving av private parkeringsreguleringer (parkeringsforskriften) - Lovdata