Grunnlaget for variasjon
Det er den varierte naturen på Bømlo som gjev grunnlag for den store variasjonen av artar. Me har det meste av naturtypar: Ytre kystområde med forblåste holmar og skjer, større lune skogar og eit variert og småskala kulturlandskap. Dette gjev opphav til eit stort mangfald av artar. I Bømlo hekkar det mellom anna hubro og hønsehauk, og det finst eit høgt antal truga planter og sopp i kulturlandskapet.
Naturmangfaldslova har som føremål at ein skal forvalta all natur gjennom berekraftig bruk og vern. Alle sektorar som tek avgjerslar eller utøver mynde som kan gi konseskvenser for naturen skal retta seg etter lova.
Kartlegging av biologisk mangfald
For at ein skal ta vare på mangfaldet er det naudsynt å kjenna til kva artar og artssamfunn ein har lokalt. Kartlegging er difor avgjerande for å få ein oversikt over kva artar som held til i kommunen og kva område som er særleg viktige for mangfaldet.
Miljødirektoratet naturbasen
Miljødirektoratet: Artar og naturtypar
Naturmangfaldslova