Aqua gym

Er trening for styrke, rørsle og uthald som blir utført i grupper etter musikk med instruktør på land. Aqua Gym høver for alle aldersgrupper, og høver både om du er godt trent eller aldri har trent før. Trening i vatn er effektivt og gir god helsegevinst då det er skånsamt mot sener, ledd og skjelett. Trening i vatn gjer mogleg andre rørsler enn på land.

I Bømlo symjehall har me to faste timar med Aqua Gym på timeplanen, i tillegg til at me har Aqua gym på seniorsymjing (sjå under seniorsymjing).

• Tysdag  kl 19..45 til 20.30
• Torsdag kl 15.30 til 16.15

Det er påmelding på Aqua gym via vårt booking system.  Aqua Gym timane blir haldt i opplæringsbassenget (32 grader), og det er plass til 20 personar på kvar time. Ein må møte i god tid slik at ein er klar i bassenget til timen startar. Alle skal dusje og vaske håret, evt nytte badehette, og følgje reglar i forhold til dette.

Det er ingen ekstra kostnad for å delta på Aqua gym, ein nyttar ordinær billett.

Aqua Run

Om du har mål om å koma i gang med trening, har behov for rehabilitering etter skade, eller allereie trenar mykje og har behov for variasjon og å fokusere på skadeførebygging, då er Aqua Run midt i blinken for deg!

Aqua Run medfører svært liten belastning på ledd og har minimal skaderisiko. Det har samtidig stor effekt på kondisjon og oppbygging av muskulatur, og er eit svært godt alternativ og supplement til ordinær løping.

Me har Aqua Run belter som ein kan låne medan ein er i symjehallen. Badevertane vegleiar i forhold til bruk av belta og kvar i bassenget ein kan opphalda seg medan ein trenar Aqua run.

Det blir i periodar satt opp faste timar for Aqua Run på timeplanen. Når det er gruppetimar vil desse vera tilgjengelege på bookinga. 

Me har laga ulike treningsprogram du kan låna og fylgje om du ønskjer å trena på eiga hand, eller om det ikkje er gruppetimar på tider som høver for deg 

Symjing/trim 

Bømlo symjehall har 25m basseng med internasjonale konkurransemål som held ein temperatur på 28 grader. Me legg til rette for symjing i banar på bestemte tidspunkt. Når det står symjing/trim timeplanen, er alle 6 banane i bassenget. Målgruppa er då dei som ønskjer å trena/mosjonera i symjebanane, evt i opplæringsbassenget (32 grader)

• Tysdag kl 06.30 -08.00 og 20.00 – 21.00
• Onsdag kl 18.00 - 20.00
• Torsdag kl 15.00 – 17.00
• Fredag kl 06.30 – 0800
• Laurdag kl 09.00 – 12-00 

NB! det er andre opningstider som gjeld i feriar.  Fleire av tidene for symjing/trim fell ut i feriane. Timeplan for skuleferiar blir lagt ut på nettsida og i sosiale mediar.

I tillegg blir det lagd ut 1-3 banar etter behov mellom 18.45 og 20.00 tysdag og fredag

Medan hoppetårna er ope og bassenget av den grunn er avdelt på tvers, blir det laga ein symjebane på tvers av bassenget (15m). Det er også ein symjebane på langs dei helgene hinderløypa er i bassenget (oddetalshelger).

Me føl prinsippet om høgresymjing. Ein kan då vera fleire i ein bane utan at det skapar problem, ein sym på høgre sida slik at dei som ønskjer kan symja forbi på venstre side. Me deler banane i mosjonsbane og hurtigsymjing, ein fordeler seg i banane etter nivå slik at det er jamnast mogleg nivå på dei som sym i same bane. 

Seniorsymjing

Me ønskjer å skapa ein arena for aktivitet, meistring, helse og sosialt samvær for vaksne i Bømlo symjehall. Seniorsymjing er tiltenkt godt vaksne. Her er ingen klar aldersgrense, har du behov for trening og samvær med andre i eit litt rolegare miljø, er du velkommen. Dette kan vera gravide, eller andre med ein eller annan form for kropslige plager der rørsle i vatn har god effekt.

Ein kan symje i begge bassenga, alt etter kva ein ønskjer. 

Me har ei  økt med Aqua Gym kl 12.30 til 13.00 på seniorsymjinga, dei som ønskjer kan delta.

• Onsdagar kl 12.00 til 13.45

Seniorsymjing utgår i skuleferiar.

Småbarnsymjing

Dei minste barna har ofte behov for vanntilvenning i rolegare omgjevnadar. Ein skal i tillegg til å venna seg til det å vera i vatnet, venna seg til lydane, lyset og atmosfæren.

Laurdag mellom kl 09.00 og 12.00 er opplæringsbassenget tiltenkt dei minste (0-4 år) og føresatte

Hinderløype

Me har ei oppblåsbar hinderløype som er montert på langs i 25 m bassenget. Denne er i bassenget annankvar helg (oddetalsveker) frå fredag til søndag.

Hinderløypa er ope for alle, men ein må kunne symje eller ha flytehjelpemidlar og følgje, dersom ein ikkje kan symja. Hinderløypa startar på grunn del og endar med sklie på djup del.

I feriar og ved andre særskilte høver kan hinderløypa vera i bassenget også ved andre tidspunkt. Dette blir då publisert i forkant.

Det er viktig at reglane for bruk av hinderløypa blir fylgde for at alle skal få ei god og trygg oppleving.

• Ikkje skubb andre
• Ikkje sym under bana
• Hoppe, klatre og skli skal kun skje der det er anvist om dette
• Start frå byrjinga av bana og fullfør heile løypa
• Ikkje bli værande på ein «stasjon», då dette hindrar andre
• Om du faller i vannet, sym tilbake til start
• Ta omsyn til andre, særskilt dei som er mindre enn deg
• Føl badevertane sin instruks

Hoppe-/stupetårn

I Bømlo symjehall har me sviktbrett på 1m, sviktbrett og hoppetårn på 3 meter, samt hoppetårn på 5 meter.

Medan alle hoppeinnstalasjonar er ope, er bassenget delt på tvers mellom djup og grunn del. Dette av omsyn til tryggleik, og for å unngå kollisjon mellom hoppande/stupande og symjande.

Hoppetårnet, eventuelt deler av hoppetårnet, er ope når det på programmet står ope for alle.

I oddetalshelger, medan hinderløypa er i bassenget, vil 3m og 5m vera stengt. Deler av hoppetårnet vil også vera stengt siste time tysdag og fredag pga symjebanar.

Det er klare reglar i forhald til bruk av hoppetårnet, mellom anna kvar ein skal gå i land etter å ha hoppa frå 1, 3 eller 5 meter.

Badstue

Det er badstu i dame og i herregarderoben. Denne er forbehaldt vaksne over 15 år, eller barn i følgje med vaksne.

Badstua er tilgjengeleg i alle offentlege opningstider.

Bakgrunn

I Bømlo symjehall må ein vera 12 år for å gå utan følgje av ein symjedyktig over 18 år. Med våtkort er det er likevel råd å kvalifisere seg for å gå åleine frå ein er fylt 10 år. Krava er relativt høge, og bygger på kompetansekravet for symjedugleik for 4 klasse. I tillegg til symjedugleik legg me vekt på at ein må lære seg, og forholda seg til, reglar og rutinar i symjehallen.

Krav til symjedugleik/sjølvberging

• Hoppa ut i bassenget på djupt vatn
• Symja 100m på mage og 100m på rygg
• Flyta 3 min. på mage/rygg
• Dykka på 1,6 m og hente opp ein gjenstand

Gjennomføring av testen

Testen vert gjennomført i Bømlo symjehall under oppsyn av ein badevert. Føresette må følgja barnet, og ventar på tribuna eller inne i symjehallen. Testen tar ca 20-30 min.

Saman med barnet går me gjennom og forklarar reglar i symjehallen, inkludert åtferd, tryggleik, hygiene, bruk av stupetårn og chiparmband, i tillegg til at testen med kompetansekrava blir gjennomført.

Påmelding

Påmelding til: bomlo.symjehall@bomlo.kommune.no eller på tlf. 908 03 867. 

Føresette må fylla ut og signera skjema for eigenerklæring våtkort (DOCX, 239 kB). De kan også få skjemaet ved ankomst.  

Kostnad

Ein må løyse inngangsbillett for å ta våtkort, evt nytta årskort eller klippekort.

Inndradd våtkort

Ved alvorleg eller gjentekne brot på reglar i symjehallen, kan våtkort bli inndradd ein perioden slik at barnet ikkje har høve til å gå åleine.

Utleige av Bømlo symjehall

Du kan leige heile eller delar av Bømlo symjehall både på fast basis og i samband med ulike arrangement. 

"Svøm langt" kampanjen er ein nasjonal symjekampanje der meir enn 200 symjehallar i Noreg deltek. Målet er å skapa gode mosjonsvanar i befolkninga, og å motivera til å nytta symjing som mosjonsform.

Alle kan delta uansett alder og fysiske forutsetningar. Målet er ikkje å symja lengst mogleg men å delta på sitt nivå.

Det er kvar veka trekning av fine premiar, i tillegg til hovudpremie på reisegåvekort i slutten av kampanjen. Kampanjen varer kvart år frå 01.01 til ut mars månad.

 Du kan lesa meir om kampanjen og melda deg på her