Samarbeid og dialog mellom kommunen og frivillige i Bømlo kommune

Dersom tiltaket skal gjennomførast av lag eller organisasjon: Ta kontakt med kommunen sin kontaktperson for lag og organisasjonar. Bømlo kommune vil då kunne gi deg ein kontaktperson som de kan få råd om prosessen frå. 

I oppstartsfasen er det lurt å laga ei skisse som viser formålet, kvar prosjektet er og kven som vil vera interessentar. 

Kva

Innleiingsvis er det lurt å definera kva som er formålet med prosjektet. Døme på formål er trafikksikring, aktivitetsfremjande møte- og leikeplass eller utvikling av friluftsområde. 

Kvar

For mange prosjekt er det kjent kvar ein vil gjennomføra prosjektet, medan det i andre tilfelle kan vera fleire aktuelle plasseringar.

1. Gjennom https://kommunekart.com/klient/Fonnakart/ får ein fram gards- og bruksnummer gjennom å aktivere kartlaget «eiendom»
2. Via https://www.arealplaner.no/4613/arealplaner/ får ein fram gjeldande reguleringsplan
3. Ved å logga inn med MinID/BankID kan ein finna namn på grunneigar i grunnbok på www.seeiendom.no.

Kven

Det er lurt å tenkja gjennom kven som vil vera interesserte i prosjektet fordi dei til dømes vil delta/bruka, kan vera naudsynte å samarbeida med eller som kan ha motstridande interesser.

Det er viktig med skriftleg avtale med alle grunneigarar før ein startar arbeidet med tiltaket

1. Dersom kommunal eigedom: Ta kontakt med kommunen (postmottak@bomlo.kommune.no) for dialog om avtale om tiltak på kommunal grunn.
2. Dersom privat grunn: Ta kontakt med grunneigar for å laga avtale.  

Meld inn formål, høgde, breidde, lengde og plassering til Bømlo kommune. De vil då få ei tilbakemelding om det er naudsynt å søkja eller melde om tiltaket

1. Kva kan me gjera sjølve?
2. Kven kjenner me som kan bidra?
3. Kva må me ha hjelp til?

Utarbeid budsjett og start arbeidet med å finna finansiering.

Bruk gjerne tilskuddsportalen og lista på kommunen sine nettsider over lokale aktørar som har tilskotsordningar

Bømlo kommune sin side om eksterne finansieringskjelder og tilskuddsportalen

For nokre typar prosjekt kan spelemiddelordninga vera aktuell. Ta då kontakt med rådgivar for kultur og idrett tidleg for rettleiing

Bømlo kommune sin side om spelemidlar