Skuleutval og skulemiljøutval
Elevane skal vera representert i begge brukarorgana. Elevar skal ikkje delta i behandling av saker som er omfatta av lovfesta teieplikt.
Skuleutvalet erstattar det tidlegare samarbeidsutvalet. I skuleutvalet skal elevane vera representerte, foreldra sitt arbeidsutval (FAU), i tillegg til skuleleiing og tilsette. Skuleutvalet sine oppgåver omhandlar drifta ved skulen, læringsresultat og læringsmiljø, skulebygg og skuleveg, og saker som gjeld skule og opplæring.
Skulemiljøutvalet fastset sjølve kor mange medlemar skulemiljøutvalet skal ha, men elevar og foreldre skal vera i fleirtal i utvalet. Skulemiljøutvalet sine oppgåver omhandlar elevane sitt fysiske og psykososiale læringsmiljø.