Spesialpedagogisk hjelp
Barn under opplæringspliktig alder kan ha rett til spesialpedagogisk hjelp dersom dei har særskilt behov for det. Dette gjeld uavhengig av om dei går i barnehage eller ikkje. Føremålet er å gje barnet tidleg hjelp og støtte i utvikling og læring av for eksempel språklege og sosiale dugleikar jf: Barnehagelova § 31
For å ha rett til spesialpedagogisk hjelp må barnet ha ei sakkunnig vurdering frå PP-tenesta. Du finn saksgang og meir informasjon om spesialpedagogisk hjelp her:
Pedagogisk Psykologisk teneste
Barn med nedsett funksjonsevne
Kommunen skal sikra at barn med nedsett funskjonsevne får eit eigna individuelt tilrettelagt barnehagetilbod jf Barnehagelova § 37
Kva er skilnaden på spesialpedagogisk hjelp § 31 og tilrettelegging § 37?
Spesialpedagogisk hjelp:
Spesialpedagogisk hjelp er ei støtte for å gjera barnet betre rusta til skulestart. Føremålet er å gji barnet tidleg hjelp og støtte i utvikling og læring av for eksempel språkleg og sosial dugleik.
Individuell tilrettelegging:
Dette er nødvendige tiltak for at barn med nedsatt funksjonsevne kan ta i bruk det ordinære barnehagetilbudet. Føremålet er å tilpassa omgjevnadane til barnet, slik at barnet kan bruke barnehageplassen sin på lik linje med andre barn.