Når du sender inn byggjesøknad skal det liggja ved ein situasjonsplan som viser plasseringa av tiltaket på eigedomen. Ver merksam på at avstand til veg, nabogrense, andre bygningar, vatn/avlaupsleidningar og sjø/vassdrag skal målast frå yttervegg.
Kvar kan du få tak i situasjonskart?
Det er følgjande krav til innhald i ein situasjonsplan:
- Situasjonskartet skal vera datert og visa dagens situasjon.
- Det skal innehalda gards- og bruksnummer for eigedomen søknaden gjeld.
- Det skal ha ein målestokk på minst 1:500, A4 ark.
- Utvendige mål på det som skal byggjast skal førast på.
- Om du skal byggja eit tilbygg til eksisterande bygg, eller riva delar av det, må dette koma godt fram på situasjonsplanen. Marker gjeldande del med andre farger.
- Næraste avstand til nabogrense skal førast på. Har du avtale om byggjeavstand med nabo skal avstanden førast på situasjonsplanen i samsvar med avtalen.
- Næraste avstand til midtlinje til offentleg veg.
- Avstand til bygningar på eigen og/eller naboeigedomen.
- Kotehøgde topp grunnmur.
- Veg/avkøyrsle - Søkjer du om avkøyringsløyve må du visa at avkøyrsla skal utformast i tråd med reglane for gjeldande veg du skal ha avkøyrsla frå; privat, kommunal eller fylkesveg.
- Parkeringsareal
- Vatn/avlaupsleidningar. Førehandsmelding frå BVA skal leggjast ved.
- Uteopphaldsareal.
- Møneretning.
- Om du skal byggja/riva nær sjø er det viktig at du fører på avstand til sjø for å visa at du er i samsvar med byggjegrensa fastsett i reguleringsplan/kommuneplan.