Feil i matrikkelen - Noreg sitt eigedomsregister.

Matrikkelen er Noreg sitt offesielle eigedomsregister. Registeret inneheld informasjon om eigedomsgrenser, areal, bygningar, bustadar og adresser. Nokre gonger er opplysningane som er registrert i matrikkelen mangelfulle eller feil.

Kven kan be om retting?

Eigar og festar kan krevja retting.

Korleis kan du kontrollera opplysningane?

Opplysningar om eigedomsgrenser

Opplysningar om eigedomsgrenser kan du kontrollera på

Sjå eigedom

Du kan sjå kva eigedomsgrenser som er registrert på eigedomen din. Hugs at kartet inneheld grenser med både god og dårleg kvalitet. Enkelte av grenselinjene må du rekna som skisser - dei kan vera fleire meter feil. Dersom du oppdagar at ei grense er feil eller har informasjon om ei grense som ikkje er registeret ta kontakt med oss i kommunen eller send inn skjema med krav om retting av feil.

Skjema med krav om retting av feil (PDF, 217 kB)

Send skjema på e-post her

eller per brev til:

Bømlo kommune, Rådhuset, Leirdalen 1, 5430 BREMNES.

Opplysningar om bygning

Opplysningar om bygning kan du kontrollera på

Sjå eigedom

Matrikkelen viser alle bygningar som er registrert på ein eigedom. I "Se eiendom" ser du mellom anna informasjon om bygningstype og godkjent status for bygningar.

Dersom du oppdagar feil ta kontakt med oss i kommunen eller send inn Skjema med krav om retting av feil (PDF, 217 kB)

Send enten på e-post her

eller per brev til: Bømlo kommune, Rådhuset, Leirdalen 1, 5430 BREMNES.

Opplysningar om adresse

Korleis krev du retting?

Du må dokumentera kravet ditt. Gjeld det eigedomsgrenser kan du leggja ved gamle dokument som skildrar grensene. Dette kan vera gamle skylddelingsforretningar og utskiftningskart, jordskiftesaker eller andre dokument som gjeld for eigedomen. Dersom rettinga gjeld for andre enn deg sjølv, som til dømes nabo, må du leggja ved dokumentasjon som syner at dei samtykkjer.

Skjema (PDF, 217 kB)

Hugs aktuelle vedlegg som til dømes:

Dokument som skildrar grenser
Kart
Bygningsteikningar

Saksbehandling

Me vurderer dokumentasjonen du har sendt inn og legg til opplysningar eller rettar feil i matrikkelen dersom me finn dette rett. Alle partar som dette har noko å seia for blir varsla av oss.

Du kan klaga

Dersom du ikkje får medhald i kravet ditt om retting kan du klaga innan 3 veker frå du fekk avslag. Skriv kvifor du klager. Dersom du ikkje får medhald i klagen din frå kommunen, vil klagen bli sendt til statsforvaltaren i Vestland for vidare behandling.

Dette kostar ikkje noko.