Må eg søkja?

Definisjon

• Eit frittliggjande bygg skal liggja minst 1 m frå annan bygning- målt frå fasadeliv.   

Krev ikkje søknad dersom:

• bygget blir plassert på bebygd eigedom
• samla bruksareal (BRA) eller bebygd areal (BYA) er under 50 kvadratmeter
• det er meir enn 1 meter til nabogrensa frå veggliv til grensa
• bygget ikkje skal brukast til varig opphald
• bygningen vert oppført med tilstrekkjeleg avstand frå offentleg regulert veg (kor nære er avhengig av kva som står i reguleringsplanen)
• maksimal gesimshøgde er 3 meter og maksimal mønehøgd er 4 meter
• bygningen er frittliggjande med 1 etasje og utan kjellar
• du ikkje overskrider kor mykje du har lov å byggja på eigedomen (utnyttingsgrad). Dette finn du ut i gjeldande arealplan for din eigedom
• bygningen ikkje blir plassert i konflikt med offentlege vatn- og avlaupsleidningar

Melda inn bygg unnateke søknadsplikt

Du skal informera oss om plassering og storleik for det du har bygd når det er ferdig, slik at plasseringa kan førast inn i kartgrunnlaget vårt. Bruk skjemaet under -  i tillegg til eit kart som viser nøyaktig plassering og omriss av det du har bygd.

Krev søknad, men du kan søkja sjølv:

• samla bruksareal (BRA) eller bebygd areal (BYA) er under 70 kvadratmeter, og bygningen er maksimalt ein etasje høg. Den kan òg ha kjellar. 

Definisjon

• Carport er ein overdekka biloppstillingsplass for høgst to bilar, kor minst halvparten av veggflatene manglar og berre to av veggane kan gå til golvet. 
• Garasje er ein overdekka biloppstillingsplass kor det er kledning på 50 prosent eller meir av dei fire veggflatene sitt areal.

Må du søkja?

Søknadsplikta er avhengig av storleiken på tiltaket, kva det skal brukast som og kva for reguleringsføresegner som gjeld for eigedomen din.

Garasje/carport som frittliggjande bygg krev ikkje søknad dersom:

• samla bruksareal (BRA) eller bebygd areal (BYA) er under 50 kvadratmeter

• det er meir enn 1 meter til nabogrensa frå veggliv til grensa

• bygningen vert oppført med tilstrekkjeleg avstand frå offentleg regulert veg (kor nære er avhengig av kva som står i reguleringsplanen)

• maksimal gesimshøgde er 3 meter og maksimal mønehøgd er 4 meter

• bygningen er frittliggjande med ein etasje og utan kjellar

• du ikkje overskrider kor mykje du har lov å byggja på eigedomen (utnyttingsgrad). Dette finn du ut i gjeldande arealplan for din eigedom

• bygningen ikkje blir plassert i konflikt med offentlege vatn- og avlaupsleidningar

Melda inn bygg unnateke søknadsplikt

Du skal informera oss om plassering og storleik for det du har bygd når det er ferdig bygd, slik at plasseringa kan førast inn i kartgrunnlaget vårt. Bruk skjemaet under -  i tillegg til eit kart som viser nøyaktig plassering og omriss av det du har bygd.

Melding om bygning eller tilbygg som er unnateke søknadsplikt

Krev søknad, men du kan søkja sjølv:

• samla bruksareal (BRA) eller bebygd areal (BYA) er under 70 kvadratmeter, og bygningen er maksimalt ein etasje høg. Den kan òg ha kjellar. 

Krev søknad sendt inn av fagfolk:

• Garasje/carport med samla bruksareal (BRA) eller bebygd areal (BYA) over 70 kvadratmeter

Garasje/carport, som tilbygg, krev ikkje søknad dersom:

• tilbygget er inntil 15 kvadratmeter

• avstand frå nabogrensa er minimum 4 meter

• tiltaket ikkje kjem i strid med plan- og bygningslova, gjeldande arealplanar eller anna lovverk som til dømes veglova

• dersom du tilhøyrer eit bustadsameige eller burettslag, må styret godkjenna det du søkjer om

Tilbygg som du kan søkja om sjølv:

• Tilbygg kor samla bruksareal (BRA) eller bebygd areal (BYA) er over 15 kvadratmeter. Det kan også ha kjellar. 

Tilbygg som krev søknad sendt inn av fagfolk:

• Tilbygg med samla bruksareal eller bebygd areal over 50 kvadratmeter må søkjast om av fagfolk.
• Alle påbygg må søkjast om av fagfolk.

Definisjon

• Påbygg er ein ny bygningsdel som vert plassert oppå eksisterande konstruksjon. Ein ekstra etasje er eit typisk påbygg.
• Tilbygg er ei utviding av ein bygning si grunnflate (fotavtrykk).
• Underbygg er ei utviding av bygget nedover, t.d. kjellar.

Krev ikkje søknad:

Tilbygg som korkje har samla bruksareal (BRA) eller bebygd areal (BYA) på over 15 kvadratmeter treng du ikkje søkja om. Dette under føresetnad av at: 

• tilbygget må vera understøtta og ikkje overstiga to etasjar eller plan på det eksisterande byggverket. Unntak frå søknadsplikta gjeld ikkje andre utvidingar slik som påbygging, dvs utviding som ikkje har eigebæresystem, men blir bygd på tak eller hengjande på vegg eller underbygging (kjellar).
• tilbygget ikkje har ein eigen sjølvstendig bueining (leiligheit).
• avstand frå nabogrensa må vera minimum 4 meter.
• tiltaket må ikkje koma i strid med plan- og bygningslova, gjeldande arealplanar eller anna lovverk som til dømes veglova.
• dersom du tilhøyrer eit bustadsameige eller burettslag, må styret godkjenna det du søkjer om.

Krev søknad, men du kan søkja sjølv:

• Tilbygg kor samla bruksareal (BRA) eller bebygd areal (BYA) er over 15 kvadratmeter må søkjast om. Det kan også ha kjellar. 

Krev søknad sendt inn av fagfolk:

• Tilbygg med samla bruksareal eller bebygd areal over 50 kvadratmeter må søkjast om av fagfolk.
• Alle påbygg må søkjast om av fagfolk.

Dersom du skal riva ein garasje, del av huset ditt, eller eit anna tiltak på eigedomen din, gjeld dei same reglene som ved oppføring av tiltak. Dersom du må søkja om å byggja noko, må du også søkja om å riva det. 

Det vil altså vera søknadspliktig å riva eit tilbygg med stove eller soverom, fordi det også er søknadspliktig å byggja eit tilbygg med stove eller soverom. 

Ved riving av tiltak større enn 100 kvadratmeter bruksareal må det også utarbeidast ein avfallsplan og miljøsaneringsskildring. Ved riving/endring av tiltak på denne storleiken er det krav om ansvarleg føretak som søkjer på vegne av deg. 

Definisjon

• Platting/utegolv er ein opparbeida del av utearealet som ligg direkte på bakken eller lågt over terrenget, og kan t.d. vera av stein, tre eller betong.
• Terrasse er ein planert avsats for uteopphald med direkte åtkomst frå terreng og hus, utan å vera overbygd. Kan vera av ulike materiale.
• Takterasse er uteopphaldsareal på eit flatt tak.
• Veranda er eit ytre opphaldsrom innebygd eller som tilbygg i ein bygning med ein eller fleire yttervegga fjerna, eller erstatta av glasveggar.
• Balkong er opphaldsplass på husfasade, utkraga frå vegg, opphengt eller understøtta, omgjeve av rekkverk.
• Gjerde kan vera plankegjerde, stakittgjerde, flettverksgjerde, smijernsrekkverk eller andre typar rekkverk med ein enkel, åpen konstruksjon. Open konstruksjon er ein konstruksjon kor både gåande og køyrande lett kan sjå gjennom konstruksjonen, uavhengig av synsvinkel.
• Levegg er ein tett skjerm som begrenser innsyn og støy, og gjer le for vind. Levegg kan vera frittståande eller tilknytt ein bygning.
• Støyskjerm er ein tett skjerm som begrensar innsyn og støy, og gjev le for vind. Støyskjermen er ofte noko lengre enn ein levegg og har lyddempande materialer.

Krev ikkje søknad:

Du har sjølv ansvar for å sjekka at det du skal byggja ikkje kjem i strid med plan- og bygningslova, gjeldande planar eller anna regelverk. 

Dersom det du vil byggja er i samsvar med gjeldande plangrunnlag, føresegner, grad av utnytting, byggjegrenser og arealformål så treng du ikkje søkja om følgjande:

• platting eller utegolv med høgde under 0,5 meter i områder med bustad som arealføremål. Her gjeld heller ingen avstandsføresegner.
• terrasse med høgde inntil 1 m frå eksisterande terreng dersom denne heng saman med ein bygning, dersom den ikkje stikk lengre ut frå fasadeliv enn 4 m, eller har rekkverk over 1,2 m eller er overbygd. Avstand til nabogrensa må vera minst 1 m.
• balkong, veranda og liknande, eller ope overbygd inngangsparti på inntil 15 kvadratmeter. Kan ikkje innehalda rom for varig opphald og må ha avstand frå nabogrensa på minimum 4 meter.
• frittliggjande terrassekonstruksjon. 
• gjerde er ope og luftig til nabogrensa, og maks 1,5 meter høgt.
• leveggen er inntil 1,8 meter høg, inntil 10 meter lang, plassert minst 1 meter fra nabogrensa og med stor nok avstand til offentleg regulert veg.
• leveggen er inntil 1,8 meter høy, inntil 5 meter lang, plassert inntil eigedomsgrensa og med stor nok avstand frå offentleg regulert veg.

Krev søknad, men du kan søkja sjølv:

• platting, terrasse eller utegolv med høgde over 0,5 meter
• avstandsreglar gjeld og tiltaket kan ikkje plasserast utanfor byggjegrensa
• tiltaket har samla bruksareal eller bebygd areal på inntil 50 kvadratmeter. Tiltaket må vera i samsvar med plan – og bygningslova, herunder krav til høgde og avstand til nabogrensa
• tiltaket må tilfredsstilla krava til estetikk, og skal nabovarslast

Krev søknad sendt inn av fagfolk:

• Platting, terrasse eller utegulv med høyde over 0,5 meter og samla bruksareal (BRA) eller bebygd areal (BYA) over 50 kvadratmeter må søkjast om ved hjelp av fagfolk. 
• Dersom du skal setja opp eller riva ein støyskjerm må du ha hjelp av fagfolk (ansvarleg føretak).

Definisjon

• Fasaden på eit bygg er ytterveggen og taket. Fasadeendring kan til dømes omfatta:
  • byte av vindauge i yttervegg, tak, loft eller kjellar
  • byte av dører i yttervegg eller kjellar
  • etterisolera, rehabilitera, tilbakeføra eller endra fasadekledning
  • skifta eller etterisolera tak
  • byggja inn balkong med glas, byggja, riva eller utvida balkong
  • montera varmepumpe, markise eller skilt
• Skilt vert definert som fysisk og/eller anna innretning for montering, plassering eller på annan måte synliggjering av fast eller utskiftbart budskap. Skilt på innsida av vindauge eller bygg der budskapet er retta mot utsida er også omfatta av skiltreglane. Dekorelementer, som til dømes material- og/eller fargebruk, inngår som ein del av skiltinga. Det same gjer informasjon om opningstider, telefonnummer, internettadresse og liknande. 

Krev ikkje søknad:

• du ynskjer å setja opp eitt skilt. 
• fasadeendringa er mindre og ikkje bryt/endrar bygget sin karakter og/eller utsjånad 

Krev søknad, men du kan søkja sjølv:

• fasadeendring som  bryt/endrar bygget sin karakter og/eller utsjånad
• skilt- og reklameinnretninga er mindre enn 6,5 kvadratmeter montert på vegg, eller er inntil 3,5 meter høg og inntil 1,5 meter brei montert frittstående i terrenget.

Definisjon

• Støttemur er ein konstruksjon som kan nyttast i høve sikring eller opparbeiding av terreng. Den kan førast opp i forskjellig type material, som mellom anna stein, betong, metall eller tre.  
• Terrengendring kan vera fylling av masse, planering, graving, masseuttak, steinbråt eller sprenging i terreng. 
• Drenering er å leda overvatn, regnvatn og anna uynska vatn vekk frå mellom anna parkeringsplassar, vegar, terreng og grunnmurar for å halda områda tørre. 

Støttemur

Krev ikkje søknad:

• dersom du set opp ein støttemur med: 
  • maksimalt 1 meter i høgde, og i tillegg minst 1 meter frå nabogrensa, eller
  • maksimalt 1,5 meter i høgde, og i tillegg minst 4 meter fra nabogrensa.
• støttemuren må vera i samsvar med avstand til offentlege vegar.
• støttemuren må ikkje hindra sikta i frisiktsoner mot veg, det vil seia i samband med avkjørsler frå veg, gardsplass og gang- og sykkelstiar
• støttemuren må ikkje vera til skade eller ulempe for naboeigedomane og omgjevnadane ved at den til dømes medfører vassig, ras eller utgliding
• støttemuren skal vera funksjonell og trygg, men i tillegg bør du ta estetiske omsyn slik at muren, gjennom plassering og utforming, også vert ein tiltalande del av eigedomen

Er støttemuren du ynskjer å byggja i strid med eit eller fleire av vilkåra som er nemnd ovanfor må du søkja om løyve.

Krev søknad, men du kan søkja sjølv:

• dersom gjeldande vegmynde har godkjent byggjeplanane. 
• dersom du skal føra opp ein mur som går ut over punkta som er nemnd ovanfor, men etter vårt skjønn kjem inn under plan- og bygningslova § 20-4 bokstav e «andre mindre tiltak som etter kommunens skjønn kan forestås av tiltakshavar».

Ver merksamd på at dersom du søkjer om bygging av støttemur mot ein nabo, kan kommunen krevja ei utgreiing av materialbruk og estetiske tilhøve. Me kan også krevja at muren vert utstyrt med rekkverk.

Krev søknad sendt inn av fagfolk:

• Dersom støttemuren av ein slik storleik og omfang at den ikkje kan reknast som eit mindre tiltak vil det vera krav om at søknaden blir sendt inn av fagfolk. Les om mindre tiltak etter pbl. § 20-4 bokstav e her. 

Terrengendring

Krev ikkje søknad:

• dersom terrengendringa ikkje fører til større avvik frå eksisterande terrengnivå enn:
  • meir enn 3 meter avvik i spredtbygd strøk
  • meir enn 1,5 meter avvik i tettbygd strøk
  • meir enn 0,5 meter avvik på eigedom for rekkje- og kjedehus og liknande i tett bebyggelse
• avstand frå fyllingsfoten, altså der inngrepet startar, og til nabogrensa, er på minst 1 meter inn på eigen grunn.
• fyllingstoppane må ikkje vera høgare enn krava som er sett for støttemurar, sjå ovanfor.

Ver merksam på at det kun er mindre fyllings- og planeringsarbeid som er omfatta av unntaksføresegna (unnateke for søknadsplikt). Arbeid som har eit omfang i areal som gjer at det ikkje kan reknast som mindre, vil ikkje vera unnateka søknadsplikt sjølv om det er i samsvar med fastsette grenser for avvik i høve til ekisterande terrengnivå som nemnd ovanfor. 

Krev søknad sendt inn av fagfolk:

• Vesentlege terrenginngrep må søkjast om.

Drenering

Krev ikkje søknad:

• dersom du skal utføra lokal drenering som ikkje er tilknytt overvatn- og avlaupsnett. 
• reparasjon på vatn- og avlaupslanlegg ved røyr- og leidningsbrot. 

Krev søknad sendt inn av fagfolk:

• dersom du skal leggja nytt vatn- og avlaupsanlegg, inklusiv stikkleidningar. 
• dersom du skal sanera og omleggja eksisterande stikkleidningar. 

Dersom du skal endra eller oppretta ei ny avkøyring utanom gjennom ei byggjesak, må du søkja om løyve i ein eigen søknad som du sender til kommunen.

Her kan du søkja Statens vegvesen om avkøyringsløyve frå riks- eller fylkesveg 

Avkøyringsløyvet må leggjast ved søknaden som vert sendt inn til kommunen.

• Du må alltid melda frå til kommunen dersom du installerer eller fjernar ein eldstad. Dette for at Bømlo brannvesen skal få operert raskare og tryggare dersom ein brann oppstår.
• Søk med hjelp frå fagfolk dersom du skal byggja/riva/endra eller rehabilitera ein skorstein i eksisterande bustad.
• Du treng ikkje senda byggjesøknad dersom du skal installera/endra/riva eller reparera eldstad i eit nytt tilbygg inntil 50 kvadratmeter. 

Les meir om pipe/eldstad og søknad her.

Definisjon

Med hybel meinast rom i eksisterande bustad som vert nytta til utleige og der du deler kjøkken, bad og WC enten med andre hyblar eller primærbustaden. Hybelen er ein del av bustaden og inngår i same branncelle. Hybelen er ikkje ein sjølvstendig bueining. 

Kva tid må du søkja om løyve

• Du kan leiga ut inntil til to hybelrom i ein eksisterande bueining utan å senda inn søknad. 
• Du må søkja dersom du vil leiga ut tre eller fleire rom i ein bustad og ikkje bur i bustaden sjølv.
• Dersom du leiger ut heile bustaden til ein familie treng du ikkje søkja. 

Krav som må oppfyllast

• Søknad om bruksendring (frå til dømes einebustad) til hybelkollektiv/bustad med hyblar skal utførast av eit ansvarleg føretak. 
• I tillegg til krav om ansvarleg føretak må eigedomen og tiltaket passa inn i omgjevnadane.

Samstundes må tiltaket oppfylla følgjande krav

• Parkeringsreglane i kommuneplanen sin arealdel er utgangspunktet for utrekninga av minimum/maksimum tal på biloppstillingsplassar for primærbustaden. I tillegg vil det ved etablering av hyblar utløysa krav om 0,5 biloppstillingsplasser for bil og minst éin sykkeloppstillingsplass per hybel.
• Kravet til uteoppholdsareal for primærbustaden må løysast i samsvar føresegner og retningslinjer. Vidare er det krav om minst 50 kvadratmeter uteopphaldsareal per hybel.
• Kommunen må vurdera søknaden opp mot andre relevante tilhøve. Dette er ikkje ei uttømande liste.

Dersom du skal byggja eller riva ein bustad, kan du ikkje senda byggjesøknad sjølv. Søk ved hjelp av fagfolk (ansvarleg søkjar).

Di rolle i byggjesaka er å vera tiltakshaver. Det inneber at du eig tiltaket, men fagfolk må fylla ut søknaden for deg. Prosjektering og utføring vert overlate til fagfolk som du må engasjera og inngå avtalar med. Føretaka må stadfesta ansvarsrett.

Solenergisystem på tak/fasade:

Det å endra fasaden på bustaden din er i utgangspunktet søknadspliktig, men plan- og bygningslova § 20-5, bokstav f opnar likevel opp for at nokre mindre fasadeendringar ikkje treng å søkjast om. 

Solenergisystem er søknadspliktig dersom:

• Anlegget er frittståande 
• Solenergianlegget skal monterast på bevaringsverdige / historiske bygg.
• Anlegget er i konflikt med planføresegner for området eller intensjon med reguleringsplan.
• Går over fleire brukseiningar/brannceller (eit skilje mot brannspreiing i ein bygning eller mot ein annan bygning).
• På del av rekkehus, fleirmannsbustad og i område med einsarta utsjånad. 
• Solcelleanlegg på fritidsbustader i strandsona og naust.
• Er plassert nærare nabogrensa enn 4 meter.

Solenergisystem er unnateke søknadsplikt dersom:

• Bygningens eller strøket sin karakter ikkje blir endra.
• Fasadeendringa ikkje er i konflikt med planføresegner eller intensjon i arealplan.
• Solcelleanlegget er integrert i fasaden.
• Avstand til nabogrensa må vera minst 4 meter.
• Anlegget må gjelda berre ei branncelle.

Bygning sin karakter:

Vanleg forståing av kva som meinast med  ein ”bygning sin karakter” er ofte knytt til stilartar. Bygningar som i seg sjølv ikkje representerer ein eigenverdi bør kunna gjennomgå mindre fasadeendringar utan at bygningen sin karakter vert rekna for å vera endra. Spør byggjesaksavdelinga dersom du er usikker.