Innsynsrett i offentlege dokumentPostlister/offentleg postjournal gir eit oversyn over post sendt til og frå kommunen. Den inneheld ikkje dokument i personalmapper, elevmapper, barnehagebarnmapper og fagsystem. Alle saksdokument, journalar og liknande register i kommunen er opne for innsyn dersom det ikkje er gjort unntak i lov eller i forskrift. Sjølv om eit dokument kan vere unnateke offentlegheit, skal kommunen likevel vurdera om dokumentet bør kunne gjerast kjent heilt eller delvis (meirinnsyn). Alle kan krevje innsyn. Du kan bli nekta innsyn i interne dokument, men som hovudregel skal du likevel få innsyn i: Saksliste eller saksdokument til kommunestyre eller anna kommunalt folkevalgt organ Dokumenter til/frå kommunen sitt kontrollutvalg, klagenemnd eller kommunal revisjon Dokument til/frå einingar i administrasjonen som har sjølvstendig råderett for saka dokument gjeld Aktuelle lovar og lenkjer LovarOffentlegforskriftaOffentleglovaRettleiar til offentleglova ArkivlovaAndre aktuelle lenkjerOffentleg postjournal i Bømlo kommune (frå 2021)Offentleg postjournal i Bømlo kommune (før 2021)Du har alltid klagerett over avslag på innsyn Kriteria til krav Dersom ein krev innsyn i saksdokument, må kravet gjelde ei bestemt sak, eller i rimeleg utstrekning av saker av bestemt art. Saksbehandlingstid Kommunen skal handsame krav om innsyn så raskt som mogleg. Det vil normalt bety same dag, eller innan 1-3 arbeidsdagar. Dersom du ikkje har fått svar innan fem arbeidsdagar frå kommunen fekk kravet ditt, vert det rekna som eit avslag. Klagerett Den som har fått avslag på krav om innsyn, kan klage på avslaget til Statsforvaltaren. Klagefristen er tre veker frå avslaget er mottatt. Eventuell klage skal sendast til Bømlo kommune, som handsamar klagen og vidaresender til Statsforvaltaren dersom vedtak om avslag vert oppretthaldt. Har du spørsmål om innsyn eller klage - send e-post til postmottak@bomlo.kommune.no Digitalt arkiv - gamle Finnås, Bremnes, Moster og Bømlo kommune Interkommunalt arkiv Hordaland (IKA Hordaland) oppbevarer arkiv etter eigarkommunane. Bestanden består i hovudsak av kommunalt arkivmateriale frå perioden 1837-2019. Arkivkatalogene våre gir ei god oversikt over kva for arkiv som er oppbevart og kva dei inneheld. Alle er velkomne til å utforske arkiva på vår lesesal. Be om innsyn i historiske arkiv Mykje av det eldre arkivmaterialet er òg digitalisert og tilgjengeleg for publikum på Digitalarkivet. Ver merksam på at det berre er arkiv som er eldre enn 100 år som er publisert fritt. Arkiv som er yngre enn 100 år krev individuell brukartilgang, opplyser fagleiar Knut Kjosås i Ika Hordaland. IKA Hordaland nettsider Finnås kommune - Noregs første heildigitalisert kommune Sist endra 20.10.2023 16:03